உலக பஹாய்களுக்கு,
என் பெயர் ஏவா, ஆகுஸ்டி, நோர்வே நாட்டின் ஆஸ்லோ நகரில் வாழும் ஒரு ஸ்பேய்ன் மொழி பேசும் பஹாய். சென்ற வாரம் ஸ்பேய்ன் நாட்டிலிருந்து ஒரு கெட்ட செய்தி வந்தது. என் நல்ல நண்பரான அட்டாவுல்லா தைபிஃக் தமது குடும்பத்திற்காக ஊதியம் தேடும் முயற்சியில் தமது உயிரை இழந்தார். ஸ்பேய்ன் நாட்டில் கடும் பொருளாதார பிரச்சினை நிலவுகிறது என்பது உங்களுக்கெல்லாம் தெரியும். அதனால் நிலைமையை சமாளிக்கும் முயற்சியில் என் நண்பர் இராணுவத்தில் ஒரு மொழிபெயர்ப்பாளராக சேர்ந்தார். தமது வேலையின் காரணமாக அவர் தமது மனைவி, மகன், மகள் ஆகியோரை விட்டு ஆப்ஃகானிஸ்தான் சென்றார்.
ஒரு நாள் அவர் இரு காவலதிகாரிகளுடன் இரண்டு இராணுவ வீரர்களுக்கு பயிற்சி அளிப்பதற்காக சென்றார். அவர் தமது மொழிபெயர்ப்பு வேலையை முடிக்கும் போது அவரும் அவருடன் வந்திருந்த இரண்டு இராணுவ வீரர்களும் ஒரு தீவிரவாதியினால் முதுகில் சுட்டுக் கொல்லப்பட்டனர்.
அவர் மிக மிக நல்ல நண்பர், எப்போதும் களிப்பு மிகுந்தும், சதா புன்னகைத்துக் கொண்டும், எல்லா வேளைகளிலும் எல்லோருக்காகவும் சேவை செய்தும் வந்தார்.
நடந்ததை என்னால் மாற்றமுடியாது, அது ஏதோ ஒரு காரணத்திற்காக நடந்துள்ளது. இப்போது பஹாய் சமயம் ஸ்பேய்ன் நாட்டின் செய்திகளில் அதிகமாக காணப்படுகின்றது, மற்றும் பலர் அதில் ஆர்வம் காண்பித்தும் வருகின்றனர். என் நண்பர் தமது மரணத்திற்கு பின்பும் என் நகரத்தில் உள்ள தமது சமூகத்திற்காக சேவை சேவை செய்து வருகின்றார்.
அவருடைய குடும்பத்தினருக்கு ஆறுதலளிக்கும் ஒரு முயற்சியாக உலகில் உள்ள பஹாய்களை அவருக்காக பிரார்த்தனை செய்ய ஒன்று கூட்ட முயற்சிக்க விரும்புகின்றேன். ஆகவே, இந்த மின்னஞ்சல் இது குறித்ததே ஆகும். உலகம் முழுவதும் அவருக்காக ஒரு பிரார்த்தனையை வேண்டுகிறேன், அல்லது ஒரு பிரார்த்தனை கூட்டம், அல்லது ஒரே ஒரு பிரார்த்தனை செய்திட வேண்டுகிறேன். இம்முயற்சியின் வாயிலாக அட்டாவுல்லா தைபிஃக்கிற்காக உலகம் ஒரு மனதானது, நமது நோக்கங்களுக்காக நாம் மேலும் அதிக வலுவுடன் முயற்சிக்க முடியும், பஹாய்களாகிய நாம் ஒன்றாகவும் ஒற்றுமையாகவும் இருக்கின்றோம் மற்றும் அவருடய மரணம் நம் எல்லாரையும் மேலும் ஒன்றுபடுத்தியுள்ளது என அவருடைய குடும்பத்திற்காக நாம் வெளிப்படுத்த முடியும்.
ஆகவே, என்னுடைய முயற்சிக்கு நீங்கள் உதவிட விரும்பினால், நீங்கள் எங்கு இருக்கின்றீர்கள் மற்றும் எங்கு பிரார்த்தனை செய்தீர்கள், அல்லது ஒரு படத்தையோ அனுப்பினால், ஸாராகோஸா பஹாய் நிலையத்தில் பெரிய உலக வரைபடம் ஒன்றை நாங்கள அமைத்திடுவோம். இதை உங்களால் செய்ய முடியாவிட்டாலும், அவருக்காவும் அவருடைய குடும்பத்தினருக்காகவும் பிரார்தனையாவது செய்யுங்கள், அதன் மூலமாக, அவர்கள் அதை தெரிந்துகொள்ளாவிடினும் நீங்கள் அவர்களுக்கு உதவுகிறீர்கள்.
இதை படித்ததற்காகவும், உங்களுடைய உதவிக்காகவும் என் முன் நன்றியை தெரிவித்துக் கொள்கின்றேன்!
பஹாய் அன்புடன்,
ஏவா மரியா ஆகுஸ்டி பூலிடோ
ஏவாவின் மின்னஞ்சல் முகவரி: eva.agusti@gmail.com
prsamy's blogbahai 