பாலின சமத்துவம்: மாற்றத்திற்கான அடிப்படையாக குடும்பங்கள்


பாலின சமத்துவம்: மாற்றத்திற்கான அடிப்படையாக குடும்பங்கள்


8 அக்டோபர் 2021


புதுடில்லி, 15 டிசம்பர் 2020, (BWNS) – இந்திய பஹாய்கள் சமீபத்தில் நடத்திய ஒரு கூட்டத்தில் பெண்கள் மற்றும் ஆண்களுக்கு இடையிலான சமத்துவக் கொள்கையின் அடிப்படையில் குடும்பமெனும் ஸ்தாபனத்தை மறுசீரமைக்க வேண்டியதன் அவசியத்தைப் பார்த்தோம். கூட்டத்தில் கலந்து கொண்டவர்களில் பாலின சமத்துவத்தின் மீது அக்கறை கொண்டவர்கள், கல்வியாளர்கள் மற்றும் பள்ளி ஆசிரியர்கள் இருந்தனர்.

இந்தியாவில் பஹாய் பொது விவகார அலுவலகம் நடத்திய ஒரு கருத்தரங்கு, பெண்கள் மற்றும் ஆண்களுக்கு இடையிலான சமத்துவம் என்ற பஹாய் கொள்கையின் அடிப்படையில் குடும்பம் எனும் ஸ்தாபனத்தை மறுசீரமைப்பு குறித்து கவனம் செலுத்தியது

“பல சமூகங்களில் தொற்றுநோய்களின் போது குடும்பத்தில் பெண்கள் எதிர்கொள்ளும் சவால்கள் மிகவும் முக்கியமான பிரச்சினையாக மாறியுள்ளன. சில சந்தர்ப்பங்களில், பல சிறுமிகளுக்கு கல்வி முடிவுக்கு வந்துள்ளது. இந்த நெருக்கடியின் போது குடும்பங்கள் தங்கள் மகள்களுக்கு வேறு வழிகளைக் காணாததால் பல சிறார்த் திருமணங்கள் நடைபெறுகின்றன. அதே சமயம் பல ஸ்தாபனங்கள் அணுகவும் உதவவும் முயல்கின்றன, ”என்கிறார் இந்திய பஹாய் பொது விவகார அலுவலகத்தின் கார்மல் திரிபாதி.

“சமூகத்தின் பல்வேறு பிரிவுகளுக்கு ஒரு ஸ்தாபனமாக குடும்பத்தில் ஏற்பட வேண்டிய மாற்றங்களை ஒன்றாக ஆராய்வதற்கான ஓர் இடத்தை உருவாக்குவதற்கு இது சரியான நேரம் என்று நாங்கள் உணர்ந்தோம்.”

கருத்தரங்கில் உறுப்பினர்கள். மேலே: பஹாய் பொது விவகார அலுவலகத்தின் கார்மல் திரிபாதி; அன்ஷு குப்தா, நிவாரண அமைப்பான கூன்ஜ்’இன் நிறுவனர்; டெல்லி பல்கலைக்கழகத்தில் சமூகவியல் பேராசிரியர் அனுஜா அகர்வால். கீழே: முராரி ஜா, டெல்லி அரசுப் பள்ளிகளில் கல்வியாளர்; சிறுவர் உரிமைகள் பாதுகாப்புக்கான தேசிய ஆணையத்தின் முன்னாள் தலைவர் ஸ்டூட்டி நரேன் காக்கர்.

கூட்டத்தில் ஒரு குழு உறுப்பினரும், கூஞ்ச் எனும் நிவாரண அமைப்பின் ஸ்தாபகரான அன்ஷு குப்தா, குடும்ப சூழலில் கலாச்சாரம் மற்றும் பாரம்பரியத்தின் விளைவுகள் குறித்து பேசினார்: “பாரம்பரியம் என்றால் என்ன? இது நீங்கள் தொடர்ச்சியாகப் பின்பற்றும் ஒன்று. தடைகளைத் தவிர்க்க, அவற்றைப் பற்றி நாம் பேச வேண்டும்… பொதுவான மொழியில். எனவே நாங்கள் உரையாடலை உருவாக்கியுள்ளோம்; அவற்றைப் பாரம்பரியம் என்று கோரி சில விஷயங்கள் செய்யப்படுவதை நாங்கள் நிறுத்துகிறோம்.”

கடந்த பத்தாண்டுகளாக பாலினம் குறித்த சமூகத்தின சொல்லாடல்களுக்குப் பங்களிப்பதற்கான இந்திய பஹாய் சமூகத்தின் பல முயற்சிகளில் இந்த கூட்டமும் ஒன்றாகும்.

கூட்டத்தின் முக்கியத்துவத்தைப் பற்றி திருமதி திரிபாதி விளக்குகிறார்: பாலின சமத்துவத்திற்கு பங்களிப்பதில் குடும்பத்தின் பங்கை ஆழமாக ஆராய்வதிலிருந்து மக்கள் பெரும்பாலும் பின்வாங்குகிறார்கள். “குடும்பத்தை சமூகத்திலிருந்து தனிமைப்படுத்தப்பட்டதாகவும், மிகவும் தனிப்பட்டதாகவும் நினைக்கும் போக்கு உள்ளது. உண்மையில் இது வெளிப்படையாக விவாதிக்கப்பட வேண்டும், ஏனென்றால் ஒரு ஆணாகவோ அல்லது பெண்ணாகவோ தொடர்புடைய சிந்தனை மற்றும் நடத்தை முறைகள் கற்றுக் கொள்ளப்பட்டு நடைமுறையில் உள்ளன.”

தற்போதைய சுகாதார நெருக்கடிக்கு முன்னர் எடுக்கப்பட்ட புகைப்படம். பஹாய் பொது விவகார அலுவலகத்தால் விவாதத்திற்குத் தயாரிக்கப்பட்ட கட்டுரை ஒரு குடும்பத்திற்குள் முடிவெடுப்பதற்கான அடிப்படையாக கலந்தாலோசிக்க வேண்டியதன் அவசியத்தை எடுத்துக்காட்டுகிறது. “கூட்டு முடிவுகளுக்கு வருவதில் அன்பான, அக்கறையுள்ள மற்றும் வெளிப்படையான முறையில் ஆலோசிக்கும் திறன் ஒரு கலை, அதன் மதிப்பு மனிதகுலம் இப்பொழுதுதான் பாராட்டத் தொடங்குகிறது.”

கலந்துரையாடலுக்காகத் தயாரிக்கப்பட்டு, கூட்டத்தில் பங்கேற்பாளர்களுக்கு விநியோகிக்கப்பட்ட ஒரு ஆய்வறிக்கையில், பஹாய் பொது விவகார அலுவலகம், “வளர்ப்பு மற்றும் பராமரித்தல் செயல்பாடுகளைப் பகிர்வது” மற்றும் “முடிவெடுப்பதற்கான அடிப்படையாக கலந்தாலோசனை” உள்ளிட்ட பல கருப்பொருள்களை எடுத்துரைத்தது. ”

அந்தக் கட்டுரை ஒரு பகுதியைப் பின்வருமாறு கூறுகிறது: “ஒரு குடும்பத்தில் முடிவெடுப்பது தன்னிச்சையான மற்றும் சர்வாதிகார அதிகாரத்தின் விளைவாக இருக்கக்கூடாது என்றால், குடும்ப உறுப்பினர்கள் ஒருவருக்கொருவர் மரியாதை மற்றும் திறந்த மனப்பான்மையுடன் தொடர்புகொள்ளக் கற்றுக்கொள்ள வேண்டும். அன்பு, பணிவு, தந்திரம், பச்சாத்தாபம், மரியாதை மற்றும் மிதத்தன்மை. கூட்டு முடிவுகளுக்கு வருவதில் அன்பான, அக்கறையுள்ள மற்றும் வெளிப்படையான முறையில் ஆலோசிக்கும் திறன் ஒரு கலை, அதன் மதிப்பை மனிதகுலம் இப்பொழுதுதான் பாராட்டத் தொடங்குகிறது. ”

டெல்லி அரசுப் பள்ளிகளில் ஒரு குழு உறுப்பினரும் கல்வியாளருமான முராரி ஜா, சமூக முன்னேற்றத்தை ஆராயும்போது அதிக தீவிரத்தின் அவசியம் குறித்துப் பேசினார்: “நாங்கள் தவறான புரிதல்களில் விழிப்புடன் இருக்க வேண்டும். குடும்பத்திற்குள் முடிவெடுப்பது குறித்து கருத்தரங்கு தாளில் குறிப்பிடப்பட்டுள்ளதைப் பார்க்கும்போது, ​​பாலின-சமமான நடைமுறைகளின் உண்மையான அளவீடு திருமணம் செய்வது, யாரைத் திருமணம் செய்வது போன்ற முடிவுகளை எடுப்பதுதான். எங்கள் மகள்கள், எங்கள் சகோதரிகள்… முக்கியமான முடிவுகளின் ஒரு பகுதியாக இருக்க நாங்கள் அனுமதிக்கவில்லை என்றால், அவர்களை பள்ளிக்கு அனுப்பும் செயல் உண்மையில் நாம் சமத்துவத்தை கடைபிடிக்கும் அடையாளமல்ல. ”

பொது விவகார அலுவலகத்தின் நிலாக்ஷி ராஜ்கோவா, சமூகத்தின் தேவைகளுக்கு சேவை செய்யும் போது குடும்பங்கள் வெளிப்புற நோக்குநிலையை வளர்த்துக் கொள்ள வேண்டிய அவசியம் போன்ற பிற கருத்துக்களை ஆய்வறிக்கையில் இருந்து எடுத்துக்காட்டினார்.

பொது விவகார அலுவலகத்தின் நிலாக்ஷி ராஜ்கோவா கூறுகிறார், “பஹாய் சமூக நிரமாணிப்பு முயற்சிகளானவை குடும்பங்கள் முன்முயற்சிகளை மேற்கொள்ளும்போது ஒன்றாகத் திட்டமிடவும் ஆலோசிக்கவும் ஊக்குவிக்கின்றன. … ஒன்றுபட்ட மனநிலையை உருவாக்குவதில் பிரார்த்தனையும் முக்கிய பங்கு வகிக்கிறது. ”

“பஹாய் சமூக நிர்மாணிப்பு முயற்சிகளானவை, குடும்பங்கள் முன்முயற்சிகளை மேற்கொள்ளும்போது ஒன்றாகத் திட்டமிடவும் ஆலோசிக்கவும் ஊக்குவிக்கின்றன. இதன் விளைவாக, பெரும்பாலும், மற்ற குடும்பங்கள் சேரும் வீடுகளில் ஆழ்ந்த உரையாடல்கள் நடக்கக்கூடும். ஒன்றுபட்ட உணர்வை உருவாக்குவதில் பிரார்த்தனைையும் முக்கிய பங்கு வகிக்கிறது. இந்த வழியில் குடும்பங்கள் ஒன்றிணைந்து செயல்படும் சமூகங்கள், தங்கள் வாழ்க்கையை பாதிக்கும் பிரச்சினைகளைப் பார்க்கும் திறனையும், வெளியில் இருந்து யாராவது உதவி மற்றும் ஆதரவைக் கொடுக்கக் காத்திருக்காமல் அவற்றைத் தீர்க்கும் திறனையும் உருவாக்குகின்றன.

“நாங்கள் கவனித்து வருவது என்னவென்றால், பெண்கள் மற்றும் ஆண்களுக்கு இடையிலான ஒற்றுமை, ஆலோசனை மற்றும் சமத்துவம் போன்ற பஹாய் கொள்கைகளைப் பயன்படுத்த நனவுடன் கற்றுக்கொள்வதன் மூலம், குடும்பங்களில் உள்ள கட்டமைப்புகள் எந்த உறுப்பினர்களும் மற்றவர்களை ஆதிக்கம் செலுத்தாத முறையில் மாறத் தொடங்குகின்றன.”

கருத்தரங்கின் பதிவு இணையதளத்தில் கிடைக்கும்.

மூலாதாரம்: https://news.bahai.org/story/1474/

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out /  மாற்று )

Twitter picture

You are commenting using your Twitter account. Log Out /  மாற்று )

Facebook photo

You are commenting using your Facebook account. Log Out /  மாற்று )

Connecting to %s

%d bloggers like this: